UFC-де өнер көрсететін қазақстандық файтер Шавкат Рахмонов әлеуметтік желідегі парақшасында жаңа жазба жариялады.
Рахмонов Instagram-да таза ауадағы жаттығуынан бірнеше фото бөлісті. Кадрлардың бірінде қазақстандық спортшының спарринг кезіндегі сәті де көрінеді.
Жазба астына ол қысқа әрі нұсқа ой қалдырды:
«Тыныштық. Зейін. Жұмысты жалғастыр», — деп жазды Шавкат.
Айта кетейік, Шавкат UFC-дегі соңғы кездесуін өткен жылдың желтоқсан айының басында өткізген. Лас-Вегаста (АҚШ) T-Mobile Arena кешенінде өткен UFC 310 турнирінде ол ирландиялық Иэн Гэрриді төрешілердің бір ауыздан шығарған шешімімен жеңген.
Осы жекпе-жектен кейін қазақстандық файтер жарақатына байланысты қалпына келу кезеңінен өткен.
Бапкері Эдуард Базровтың сөзінше, Шавкат Рахмонов келер жылдың көктемінде қайтадан октагонға оралуы ықтимал.