Жуырда Еділ Қожамбердиев түркиялық ауыр салмақтағы боксшы Фатих Келешпен жұдырықтасқан болатын.
Қазақстандық боксшы Еділ Қожамбердиев (17-2, 17 KO) 20 желтоқсанда Алматыда өткен кәсіпқой бокс кешінде әсерлі жеңіске жетіп, рейтингі мен титулдық мәртебесін айтарлықтай жақсартты. Еділ Қожамбердиев BoxRec сайтының рейтингінде 53-орыннан 29-орынға көтерілді.
Сонымен қатар, қазақстандық боксшы WBF нұсқасы бойынша чемпиондық белбеуді жеңіп алды.
Кештің басты жекпе-жектерінің бірінде Қожамбердиев түркиялық ауыр салмақтағы боксшы Фатих Келешті (17-4-1, 10 KO) төртінші раундта ауыр нокаутқа жіберді.
Айта кетейік, Еділ Қожамбердиевтің кәсіби мансабындағы барлық жеңісі нокаутпен аяқталған.
Ол соңғы рет 2017 жылы жеңіліс тапқан. Сол уақыттан бері қазақстандық боксшы қатарынан 16 жекпе-жекте жеңіске жетіп отыр.