Өзбекстанның суперауыр салмақтағы әйгілі боксшысы Баходир Джалолов 2026 жылға жоспарын бөлісіп, алдағы маусымда ауқымды мақсаттарға ұмтылатынын мәлімдеді.
Джалолов әлеуметтік желідегі парақшасында жанкүйерлеріне үн қатып, жаңа жылдағы жоспарын қысқа әрі нық жеткізген:
«Алланың қалауымен 2026 жылға үлкен мақсат қойып отырмыз. Алла сіздермен бірге сол армандарды іске асыруға мүмкіндік берсін», — деп жазды боксшы Instagram-да.
Баходир Джалолов — әуесқой бокста да, кәсіпқой рингте де аты шыққан спортшы. Ол екі дүркін Олимпиада чемпионы (Токио-2020, Париж-2024), сондай-ақ екі дүркін әлем чемпионы және үш дүркін Азия чемпионы ретінде танымал.
31 жастағы суперауыр салмақ өкілі әуесқой мансабын аяқтап, негізгі назарын кәсіпқой бокстағы жолына аударған.
Қазір Джалоловтың кәсіпқой бокстағы көрсеткіші — 16 жеңіс, 14 нокаут, жеңіліссіз келе жатыр.