Кубалық былғары қолғап шебері қазір оқу-жаттығу жиынында жүр. Биыл алғашқы чемпиондық жекпе-жегін өткізуді көздеп отыр.
Кубалық боксшы, әуесқой бокстан әлемнің екі дүркін чемпионы Йоэнлис Эрнандес (9-0, 8 КО) орта салмақтағы әлем чемпионы атағы үшін жекпе-жек өткізгісі келетінін мәлімдеді. Бұл ақпаратты Х әлеуметтік желісінде бокс тақырыбын жазатын bharski блогері жеткізді. Оның айтуынша, Эрнандес қазір оқу-жаттығу жиынында жүр және биыл алғашқы чемпиондық жекпе-жегін өткізуді көздеп отыр.
«Йоэнлис Эрнандес дайындық режимінде. Ол биыл кез келген әлем чемпионымен — Адамеспен, Ларамен немесе Жәнібекпен жұдырықтасуға үмітті. Пікір сұрағанымда, ол: “Біз чемпиондармен жекпе-жекке әрдайым дайынбыз”, — деді», — деп жазды bharski.
Қазіргі таңда орта салмақта:
Айта кетейік, Жанибек Әлімханұлы қазіргі уақытта мельдонийге байланысты допинг дауына қатысты шешімді күтуде. Алдағы аптада B сынамасының нәтижесі жариялануы тиіс. Бұл жағдай оның алдағы жоспарларына тікелей әсер етуі мүмкін.
Йоэнлис Эрнандес кәсіби бокста 2022 жылы дебют жасады. Әуесқойлар арасында ол әлем чемпионатын екі рет жеңіп алды. Ал кәсіпқой рингте әзірге жеңіліс көрмеген.