"Ешкім ақша берген жоқ" — Артур Бетербиев IBA ӘЧ қомақты жүлдесі туралы
Бұрынғы абсолютті әлем чемпионы Артур Бетербиев IBA нұсқасындағы әуесқой бокстан әлем чемпионаты жеңімпаздарына берілген ірі көлемдегі сыйақыға қатысты ой білдірді.
"Біздің кезімізде жүлдеақы деген болмады"
Атақты кәсіпқой боксшының айтуынша, өзі әуесқойлар арасында жұдырықтасқан уақытта мұндай гонорарлар туралы армандаудың өзі қиын болған.
Бетербиев IBA ұйымдастырған соңғы әлем чемпионаты кезінде әуесқойлар арасындағы әлем біріншілігі мен Ресей чемпионаттарында боксшыларға ақша төленбегенін, ал қазіргі жүлдеақы деңгейі ол кезең үшін елестетуге келмейтін көрсеткіш екенін жеткізген.
IBA әлем чемпионатындағы сыйақы қанша болды?
Еске салайық, IBA өткізген соңғы әуесқойлар арасындағы әлем чемпионаты желтоқсанның ортасында Дубайда өтті. Турнир қорытындысы бойынша ұйым жүлдегерлерге мынадай сыйақы тағайындады:
- алтын жүлде иегерлеріне — 300 мың доллар
- күміс жүлде иегерлеріне — 150 мың доллар
- қола жүлде иегерлеріне — 75 мың доллар
Қазақстан құрамасының нәтижесі: 6 медаль және 1,24 млн доллар
Дубайдағы дүниежүзілік додада қазақстандық боксшылар алты медаль жеңіп алып, жалпы есепте 1 миллион 240 мың доллар жүлдеақы еншіледі.
Әлем чемпионы атанған қазақстандықтар:
- Сәкен Бибосынов — 54 кг
- Оразбек Асылқұлов — 57 кг
- Абылайхан Жүсіпов — 71 кг