Шавкат Рахмонов Ислам Махачев үшін ең қауіпті қарсылас аталды

ACA лигасының жартылай орта салмақтағы бұрынғы чемпионы Альберт Туменов UFC чемпионы Ислам Махачев үшін ең қауіпті қарсыласты атады.

Ресейлік файтердің айтуынша, Махачев үшін ең қиын сынақ — қазақстандық Шавкат Рахмонов болмақ:

“Махачев үшін ең күрделі қарсылас — Шавкат Рахмонов. Жеке өзім үшін ең қызықты жекпе-жек те осы болар еді. Махачевтің Камару Усманмен айқасынан гөрі, дәл осы кездесуді көргім келеді. Усман — аңыз, бірақ оның мансабының ең биік кезеңі артта қалды”, — деді Туменов.

Файтерлердің көрсеткіші

Ислам Махачев

• ММА рекорды: 28 жеңіс, 1 жеңіліс
• Соңғы жекпе-жегі: Джек Делла Маддаленаны төрешілердің бірауызды шешімімен жеңіп, UFC-дің жартылай орта салмақтағы чемпионы атанды

Шавкат Рахмонов

• ММА рекорды: 19 жеңіс, 19 жекпе-жек — жеңіліссіз
• Соңғы жекпе-жегі: 2024 жылдың желтоқсанында Иэн Гэрриді төрешілердің бірауызды шешімімен жеңді

Махачев пен Рахмонов арасындағы кездесу UFC жанкүйерлері арасында жиі талқыланып жүр. Сарапшылардың пікірінше, бұл айқас жартылай орта салмақтағы ең тартысты чемпиондық жекпе-жектердің біріне айналуы мүмкін.