Оған басқа боксшылар таласатын болды.
Халықаралық бокс федерациясы (IBF) орта салмақ дәрежесінде иесіз қалған чемпиондық белбеу үшін жекпе-жек өткізілетінін ресми түрде жариялады. Бұған дейін бұл титул қазақстандық боксшы Жәнібек Әлімханұлына тиесілі болған.
IBF шешімі бойынша аталған титул үшін италиялық Этиноса Олиха (22-0, 10 KO) мен британиялық Шакил Томпсон (15-0, 11 KO) өзара жекпе-жек өткізеді.
Қазіргі таңда рейтингте:
"Дивизионда жаңа чемпионды анықтау мақсатында IBF осы екі үміткер арасында титулдық жекпе-жек өткізуді тағайындады. Бұл кездесудің жеңімпазы орта салмақтағы жаңа IBF чемпионы болады", – деді IBF чемпиондық комитетінің төрағасы Джордж Мартинес.
Еске салайық, Жәнібек Әлімханұлы бұрын IBF нұсқасы бойынша орта салмақтағы әлем чемпионы болған. Алайда боксшы допинг сынамасы оң нәтиже көрсеткеннен кейін дисквалификация алып, белгіленген мерзімде міндетті қорғау жекпе-жегін өткізе алмады. Осыған байланысты IBF чемпиондық белбеуді бос деп жариялады.
Алайда бұл кездесуді өткізуге қатысты бір кедергі бар. Шакил Томпсонның жақын арада басқа жекпе-жегі жоспарланған.
28 наурыз күні Манчестерде (Англия) ол жерлесі Брэд Ползбен (20-2-1, 11 KO) Queensberry Promotions ұйымдастыратын "Magnificent 7" бокс кешінде кездесуі тиіс.
Сондықтан IBF титулы үшін Олиха мен Томпсон арасындағы жекпе-жек кейінірек ұйымдастырылуы мүмкін.