Бангкоктегі Futures Cup 2026 U-19 халықаралық турнирінде Тимур Тайбеков кезекті жеңісіне жетті.
Тимур Тайбеков 80 келіге дейінгі салмақ дәрежесінің ширек финалында вьетнамдық Тронг Тиен Нгуенмен жұдырықтасты. Жекпе-жек толық уақытқа созылған жоқ.
Кездесудің алғашқы раундында төреші вьетнамдық боксшыға екі мәрте нокдаун санады. Екінші раундта ол тағы бір рет ауыр соққы өткізіп алды. Осыдан кейін рефери жекпе-жекті тоқтатып, қазақстандық боксшының техникалық нокаутпен жеңгенін тіркеді.Осылайша Тимур Тайбеков жартылай финалға жолдама алып, кем дегенде қола медаль иегері атанды.
Айта кетейік, World Boxing ұйымының бастамасымен ұйымдастырылған “Болашақ кубогы” / Futures Cup турнирі биыл тарихта алғаш рет өткізіліп отыр. Бұл жарысқа 19 жасқа дейінгі боксшылар қатысуда.