Тайсон Фьюриге қарсылас ретінде Баходир Джалолов ұсынылды
BoxingScene.com басылымы суперауыр салмақтағы бұрынғы әлем чемпионы Тайсон Фьюридің келесі қарсыластары жайлы арнайы материал жариялады.
Рингке сәтті оралды
Өткен демалыста Тайсон Фьюри 16 айлық үзілістен кейін кәсіпқой боксқа қайта оралды. Ол Канада атынан өнер көрсететін, тегі ресейлік Арсланбек Махмудовты төрешілердің бірауыздан қабылдаған шешімімен жеңді.
Осы жеңістен кейін BoxingScene Фьюридің келесі жекпе-жегіне ықтимал қарсыластардың қысқаша тізімін ұсынды. Сол үміткерлердің қатарында Өзбекстанның атақты боксшысы Баходир Джалолов та бар.
Баходир Джалолов бесінші орында
BoxingScene нұсқасы бойынша, “Үлкен өзбек” лақап атымен танылған Баходир Джалолов ықтимал қарсыластар тізімінде бесінші орынға орналасты. Басылым бұл жекпе-жектің өту мүмкіндігін небәрі 1 пайыз деп бағалаған.
BoxingScene нұсқасы:
- 5. Баходир Джалолов
- Рекорды: 16 жеңіс, 0 жеңіліс (14 нокаут)
- Жекпе-жектің өту ықтималдығы: 1%
- Қызығушылық деңгейі: 6/10
Басылым Джалолов туралы
Баходир Джалолов — Олимпиада ойындарының екі дүркін алтын жүлдегері. Ол үздік үміткерлердің бірі ретінде көрінеді, алайда қарсыластарының деңгейін әлі де күшейтуі қажет. Бұл әзірге орындалуы қиын арман секілді. Дегенмен бойы 201 сантиметр Жәлоловтың 206 сантиметрлік Фьюримен айқасы жанкүйерлер үшін өте қызықты көрініс болар еді.
BoxingScene мәліметінше, Тайсон Фьюри үшін ең күтілетін әрі ең ықтимал кездесу — оның отандасы Энтони Джошуаға қарсы айқас. Сонымен қатар үздік бестікке мына боксшылар да енген:
- Агит Кабайел
- Фабио Уордли — Дэниэл Дюбуа жекпе-жегінің жеңімпазы
- Мозес Итаума
- Баходир Джалолов