Нұрқожа Қайпанов Мажарстандағы турнирде жүлдегер атанды
15.07.2026, 23:49
28 жастағы еркін күрес шебері 74 келіге дейінгі салмақ дәрежесінің финалында қытайлыққа жол берді.
NUR.kz
Нұрқожа Қайпанов шешуші кездесуде қытайлық Фэн Луға қарсы шықты. Тартысты белдесу 3:3 есебімен аяқталды. Бірақ қосымша көрсеткіштер бойынша жеңіс аспанасты елінің өкіліне берілді.
Қайпанов Будапешттегі турнирді 1/8 финалдан бастады. Алғашқы белдесуінде отандасы Дархан Есенғалимен кездесіп, 4:4 есебінен кейін қосымша көрсеткіш бойынша жеңіске жетті.
Ширек финалда америкалық Уильям Леван-кішіге еш мүмкіндік қалдырмай, 4:0 есебімен басым түсті.
Жартылай финалда түркиялық Мұхаммед Бесирді 7:4 есебімен жеңіп, алтын жүлде үшін күресуге жолдама алған еді.
Бұған дейін балуандарымыз Будапешттегі турнирде бір алтын және төрт қола медаль еншілеген.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet
Реклама
Реклама