Қуат Хамитов бокстағы екінші жекпе-жегін өткізбек
06.10.2024, 11:39
Аралас жекпе-жекте соңғы кездері жеңіліп жүрген танымал файтер Қуат Хамитов кәсіпқой бокстағы дебютін қыркүйек айында өткізген болатын.
Sportburo.kz
Аралас жекпе-жек шебері Қуат Хамитов кәсіпқой бокстағы екінші жекпе-жегін өткізбек. Бұл жолы ол ресейлік Мариф Пираевпен кездескелі жатыр. Бұл туралы All Stars Boxing Instagram парақшасында жарияланды.
Қолда бар мәлімет бойынша жекпе-жек 27 желтоқсанда Алматыда өтеді.
Айта кетейік, Пираев пен Хамитов 2021 жылдың қыркүйегінде октагонда кездескен. Ол кезде ресейлік файтер төрешілер шешімімен жеңіске жеткен еді.
Естеріңізе болса, Қуат Хамитов бокстағы алғашы жекпе-жегінде аралас жекпе-жек шебері Нұрберген Шәріповке қарсы рингке шығып, жеңіске жеткен болатын.