Ангелина Лукас әлемдік рейтингіде жоғары көтерілді
07.10.2024, 15:05
Қазақстандық боксшы Boxrec.com сайтының рейтингінде бір саты жоғарылады.
arena.olimpbet.kz
Қазақстандық боксшы Ангелина Лукас (11-1, 5 КО) аргентиналық Дебора Лопесті (21-3-1, 1 КО) жеңіп, Boxrec.com сайтының рейтингісіндегі орнын жақсартты.
Лукас Лопесті төрешілердің бірауыздан шешімімен жеңген соң, IBO-ның супер жеңіл салмақтағы чемпионы атанған болатын. Осыған байланысты қазақстандық былғары қолғап шебері BoxRec рейтингінде 12-ші орыннан 11-ші орынға жайғасты.
Айта кетейік, 2024 жылы Ангелина Лукас алты жекпе-жек өткізді. Оның үшеуін нокаутпен аяқтаса, қалғанын төрешінің шешімімен жеңді. Бұған дейін ол кіші WIBF және WBF әлем чемпионы белбеулерін де жеңіп алған.