Қазақстандық кәсіпқой боксшы титул үшін айқасады
23.10.2024, 12:20
Жекпе-жек Германияда өтеді.
sport-pulse.kz
Бірінші орта салмақтағы қазақстандық боксшы Виктор Темировтің (5-0, 4 КО) келесі жекпе-жегі белгіленді.
24 жастағы Темиров 2-ші қараша күні Германияның Бад-Херсфелд қаласында өтетін бокс кешінде рингке шығады. Қарсыласы венгриялық Оскар Фико (39-37-1, 20 КО) болады.
Бұл жекпе-жекте BDB International (Германиялық кәсіпқой боксшылар қауымдастығы) белбеуі сарапқа салынады.
Темиров соңғы рет қаңтар айында Мюнхенде жұдырықтасып, екінші раундта нокаутпен жеңіске жеткен болатын.