Қазақ күресінің мықтылары Таразға жиналды
Боз кілем бәсекесіне 450-ден аса балуан қатысып жатыр.
Қазақ күресінің мықтылары Таразға жиналды. Әулиеата жерінде Қазақстан чемпионаты өтіп жатыр. Боз кілем бәсекесінде 450-ден аса балуан өзара мықтыны анықтап, топ жарғандар ұлттық құрамаға қосылады.
Алғашқы жарыс күні ерлер мен әйелдер арасында алты салмақта жеңімпаздар мен жүлдегерлер есімі белгілі болды.
70 келіде Дүниежүзілік көшпенділер ойындарының жеңімпазы Роза Нысантайқызы финалда түркістандық Ақбота Қыдырәліден жеңіліп қалды. 77 келіде Аружан Жанжарбай ел чемпионы атанды. Аса ауыр салмақта тараздық Арайлым Шегенова жеңіске жетті. Ерлер арасында 90 келі салмақта жергілікті балуан Айдар Бескемпір топ жарды.
Айта кетейік, балуандар ел біріншілігінде 16 салмақ дәрежесінде бақ сынап жатыр.