Әлемнің мықтылары Астанаға келеді
20.11.2024, 13:25
Келесі аптада елордада еркін және грек-рим күресі бойынша халықаралық турнир өтеді.
halyq-uni.kz
Қарашаның 29-ы күні Астанада Wrestling Stars турнирі басталады. Оған әлемнің кіл мықтылары қатысады деп күтілуде. Басты жұлдыз – екі дүркін әлем чемпионы, Рио Олимпиадасының қола жүлдегері Франк Чамисо (Италия) болады.
Ал Қазақстан атынан бозкілемге Азия чемпиондары Данияр Қайсанов пен Санжар Досжанов шығады.
Бұдан бөлек, аталған жарысқа үш дүркін Азия чемпионы, әлем чемпионатының қола жүлдегері Азамат Дәулетбеков (еркін күрес), Ресей чемпионы Алан Багаев, жастар арасындағы әлем чемпионатының жеңімпазы Исхар Кұрбаев (грек-рим күресі), сондай-ақ U23 әлем чемпионатының алтын жүлдегерлері Начын Куулар мен Ұлықбек Жолдошбеков қатыспақ.