Қарағандыда бокстан халықаралық турнир басталды

Қарағандыда бокстан жасөспірімдер мен қыздар арасында халықаралық турнир басталды. Лондон олимпиадасының чемпионы Вэлл баркер кубогының иегері Серік Сәпиевтің жүлдесіне арналған жарысқа жерлестерімізден бөлек, Қырғызстан, Өзбекстан, Тәжікстан және Грузия мен Ресейден жеткіншектер келді.

Жалпы саны 300-ден аса былғары қолғап шебері 19 салмақта кім мықтыны анықтайды. Дәстүрлі турнирдің ашылу салтанатына Серік Сәпиев бастаған қазақ спортының саңлақтары қатысты. Олардың арасында бокстан әлем чемпионы Мерей Ақшалов, олимпиада ойындарының жүлдегері Серік Елеуов және жеңіл атлет Дмитрий Карпов бар. Халықаралық бокс бәсекесі 22-ші қарашада аяқталады.