WBO Әлімханұлыдан ат-тонын ала қашқан боксшыға қатаң шара қолданды
Кәсіпқой бокста жеңіліп көрмеген британдық боксшы Хамза Шираз WBO ұйымының рейтингінен шығарылды.
WBO-ның чемпиондық титулына міндетті үміткер болған британ боксшысы Хамза Шираз ұйымның рейтингінен шығарылып тасталды. Бұл шешім Шираздың промоутері Фрэнк Уорреннің Хамза – Жәнібек жекпе-жегінің промоутерлік саудасынан шығып кетуінен кейін орын алып отыр.
Осылайша, тұманды альбион өкілі белбеуге үміткерліктен айырылып қана қоймай, топ-15 тыс қалды. Рейтингтің жаңартылған нұсқасы бойынша қазір бірінші орында Дензел Бентли (20-3-1, 17 КО) тұр. Ол 7 желтоқсанда екінші нөмірлі Брэд Полспен (19-1-1, 11 КО) шеберлік байқасады. Осы айқастың жеңімпазы қазақстандық Жәнібек Әлімханұлына қарсылас атануы мүмкін.
Ал ұлыбританиялық былғары қолғап шебері енді WBC чемпионы Карлос Адамеспен жек-жекке шығуы мүмкін.