Геннадий Головкин күтпеген мәлімдеме жасады
Жуырда Азия аумағында жаңа бокс конфедерациясы құрылатыны белгілі болған еді.
World Boxing ұйымы Азия аумағында жаңа бокс конфедерациясы құрылатынын жариялады. Ол аталған спорт түрінің дамуы мен насихатталуын бақылайды. Осыған байланысты World Boxing Олимпиадалық комиссиясының төрағасы Геннадий Головкин мәлімдеме жасап, аталған конфедерацияның әлемдік аренадағы маңыздылығын ерекше атап өтті:
"Мұндай жаңашыл құрылымды құруға қатысу – үлкен мәртебе. Бүгінде Азия боксы әлемдік аренада ерекше рөл атқарады. Жаңа конфедерация біздің аймақтың алатын орнын одан әрі нығайтып, осы спорт түрінің дамуына жаңа серпін береді", - деді Геннадий Головкин.
Айта кетейік, қазіргі таңда Қазақстан Халықаралық бокс қауымдастығының (IBA) мүшесі. Бірақ World Boxing аясында өтетін турнирлерде де өнер көрсетіп келеді.