Жәнібек Әлімханұлы жақсы жаңалыққа қанық болды
Отандасымызға қатысты күтпеген мәлімдеме жарияланды.
Сауд Арабиясының ойын-сауық істері жөніндегі басқармасының төрағасы және бокстың суперинвесторы Түркі әл аш-Шейх орта салмақтағы WBO/IBF әлем чемпионы Жәнібек Әлімханұлы Карлос Адамес пен Хамза Шираз арасындағы WBC белбеуі үшін жекпе-жек жеңімпазының келесі қарсыласы болуы мүмкін екенін айтты, деп хабарлайды Sports.kz.
Ықпалды функционер Instagram-да 22 ақпанда Эр-Риядта Адамес пен Шираз жұдырықтасатын үлкен бокс кешіне қатысты Жәнібекті атап өтті. Ал басты оқиға Артур Бетербиев vs Дмитрий Бивол реваншы болады. "Сен келесісің", – Карлос деп жазды әл аш-Шейх "Қазақ стилінің" аккаунтын белгілеп.
Негізі Шираз Әлімханұлының қарсыласы ретінде қарастырылған. Бірақ британдықтың промоутері Фрэнк Уоррен оның орнына Адамеске қарсы жекпе-жекті таңдады.