Виктория жүлде қорына "алтын" салды
10.12.2024, 14:08
Қазақстандықтар арасында бірінші болып Азия чемпионатындағы финалдық кездесуін Виктория Графеева өткізді.
1bol.kz
Виктория 60 келіге дейінгі салмақта алтын медальді қытайлық Ли Цяньгамен сарапқа салды. Төрешілер бірауыздан жеңісті Графееваға берді.
Отандасымыз бұған дейінгі екі жекпе-жегін мерзімнен бұрын аяқтаған. Ширек финалда тайваньдық қарсыласын техникалық нокаутпен тізе бүктірсе, жартылай финалда тайлық Порнтип Буапудан айласын асырды.