Александр Усик Тайсон Фьюримен қарымта кездесудегі жеңісі жайлы пікір білдірді
Украиналық кәсіпқой боксшы Александр Усик (23-0, 14 КО) британдық Тайсон Фьюримен (34-2-1, 24 КО) реваншта өткен жекпе-жектегі жеңісі туралы айтып берді
«Төрешілердің шешіміне араласпаймын»
Әлемді елең еткізген осы кездесу төрешілердің ұпай санымен аяқталған болатын. Жекпе-жектен кейін Усик:
«Судьялардың жазбалары тағы да өте тығыз шықты. Олар дұрыс па, бұрыс па, білмеймін — бірақ мен жеңдім. Мен судья емеспін, тек спортшымын. Бұл — менің ісім емес», – деді украиналық боксшы.
«Екінші кезеңде деңгейің жоғары болып көрінді, қалай ойлайсың?»
«Жаттығуды жақсы өткізген шығармын. Жұбайым да көп көмектесті. Бүгін мен үшін ерекше күн. Менің екі ұлым да бүгін дзюдо бәсекесінде жеңіске жетіп, белбеу иеленді. Олар: “Әке, ендігі кезек сенде!” – деді. Мен: “Жарайды, тырысып көремін” – дедім», – деп бөлісті Усик.
«Фьюри туралы не айтасың?»
«Ол керемет қарсылас. Осы 24 раунд – менің мансабымдағы ұмытылмас кезеңдердің бірі болды», – дейді Усик.
Еске салайық, Усик пен Фьюри арасындағы қарымта жекпе-жек көрермендердің қызу талқысына түсті. Жекпе-жек нәтижесінде украиналық боксшы өзінің жеңіліссіз жорығын жалғастырып отыр.