UFC Жалғас Жұмағұловқа қатысты шешім шығарды
18.01.2025, 20:45
Қазақстандық файтер Жалғас Жұмағұлов Австралиядағы UFC 312 турнирінен тыс қалды.
@alashsporty
UFC 312 Жалғас Жұмағұловсыз өтеді. Оның мүмкін болған қарсыласы Рэй Цуруя (10-0) да турнирге қатыспайды.
Қазақстандық жарақатына байланысты турнирден тыс қалған австралиялық Стюарт Николлдың (8-1) орнына октагонға шығуы керек болған. Бірақ UFC өкілдері Жұмағұловқа жеңіліп көрмеген жапондықты ұсынудан айнып қалды.
"Мен қашанда дайынмын. Мик Мэнард, қажет болсам хабарласыңдар!", — деп жазды Жако UFC вице-президентіне.
Еске сала кетсек, Жұмағұлов промоушендегі соңғы жекпе-жегін 2023 жылдың жазында Мьянма өкілі Джошуа Ванға қарсы өткізіп жеңіліс тапқан.