Бақтияр Артаевқа Вэл Баркер кубогы қайтарылды
Даңқты спортшымыз осыдан бірнеше жыл бұрын жүлдесін халықаралық ұйымға тапсырған болатын.
2004 жылғы жазғы Олимпиада ойындарында бокстан "алтын" алған Бақтияр Артаевқа Вэл Баркер кубогы ресми түрде қайта табысталды. Бұл туралы Бокс федерациясы Instagram-дағы ресми парақшасында хабарлады.
Айта кетейік, Вэл Баркер Кубогы – Олимпиада Ойындарындағы үздік боксшыға берілетін бірегей жүлде.
"2004 жылы Афинадағы бәсекеде чемпион атанған Бақтияр Артаев жарыстың үздік былғары қолғап шебері деп танылды. Артаев өз кубогын бірнеше жыл бұрын халықаралық ұйымға тапсырып, осы мәселе шешімін таппаған еді. Қазақстан бокс федерациясы әлемдік спорттағы құнды жәдігер саналатын жүлдені қайтару үшін нақты қадамдар жасады. Осылайша, бүгін Вэл Баркер Кубогы өз иесін тапты", - делінген жазбада.