Қазақстандық балуан Минсктегі халықаралық турнирде "алтын" жеңіп алды
15.02.2025, 21:00
Минскте (Беларусь) Олимпиада чемпионы Александр Медведь атындағы күрес түрлерінен халықаралық турнир өтіп жатыр.
sputnik.kz
Әйелдер арасында 72 келіге дейінгі салмақта өткен финалда қазақстандық Жәмилә Бақбергенова қырғызстандық Қайыргүл Шаршебаеваны жеңіп, алтын медаль иеленді.
Бұл – Жәмиләнің 2025 жылғы алғашқы жарысы. Былтыр күзде ол Албанияда өткен күрес түрлерінен әлем чемпионатында күміс медальге қол жеткізген.
Айта кетейік, 25 ақпанда Жәмилә Алматыда өтетін PWL-8 турниріне қатысады. Оның қарсыласы – қырғызстандық спортшы Айпери Медетқызы болады.