Екі казақ каратэшісі халықаралық турнирде топ жарды
23.02.2025, 17:58
Қос қазақстандық Біріккен Араб Әмірліктерінің Фуджайра қаласында өтіп жатқан жастар арасындағы А сериясы жарысында чемпион атанды.
prosports.kz
Кумите бағдарламасында (U14-15) Нұрасыл Нұрсейіт (-52 кг) аса тартысты өткен финалда Украина өкілі Максим Виечкановты ұтты. Ал Сұңқар Қанибек 70 кг дейінгі салмақтың финалында Хорватия өкілін жеңді. Бұл туралы prosports.kz жазды.
Екі спортшымыз жарыс барысында 7 жекпе-жектен өткізді.
Сонымен қатар, бүгін 14-15 жас санатында тағы 3 спортшымыз қола медаль жеңіп алды. Әмір Кеңесбай (-52 кг), Руслан Еркін (-57 кг), Батыр Әділ (-57 кг) өз салмағында үздік үштікті түйіндеді.