Үш нокдаун және ауыр нокаут: Ахмедов Астанада титулынан айырылды (ВИДЕО)
Қазақстандық боксшы Әли Ахмедов (23-2, 17 КО) Астанада өткен кәсіпқой бокс кешінде күтпеген жеңіліске ұшырады.
Ахмедов пен поляк боксшысы Мацей Сулецки (33-3, 12 КО) WBC Silver чемпиондық белбеуі үшін айқасты. Кездесу он раундқа жоспарланған. Бірақ Сулецки 10-раундта Ахмедовты нокаутқа түсіріп, сенсациялық жеңіске жетті.
Бірінші және бесінші раундтарда Ахмедов үш рет нокдаунға түсті. 10-раундта Сулецки жекпе-жекті нокаутпен аяқтады.
Ахмедов неге жеңілді?
Бұл жекпе-жектің фавориті Әли Ахмедов саналған. Алайда Сулецкидің дәл соққылары мен қарқынды шабуылы қазақстандық боксшыға айтарлықтай қиындық туғызды.
Бұл Мацей Сулецкидің кәсіпқой бокстағы 33-ші жеңісі болды. Сонымен қатар ол WBC Silver белбеуін иеленді.
Ал Ахмедов үшін екінші жеңіліс. Бірінші рет ол 2020 жылы эквадорлық Карлос Гонгорадан (22-3, 17 КО) нокаутпен ұтылған болатын.