Ол Австрияның Линц қаласында өтіп жатқан әлемдік Гран-при финалында топ жарды.
Әбиба Әбужақынова (48 кг) 19 жастағы жапон дзюдошысы Сачио Йошиноны жеңіп, алтын медаль иеленді.
Ақтық жекпе-жекке дейін қазақстандық спортшы ширек финалда татами иесі Жаклин Спрингерді, ал жартылай финалда Нидерланд өкілі Амбер Херсьесті жеңді.
Бүгін бастау алған Гран-при турнирінде 52 елден 416 спортшы бақ сынауда. Қазақстан құрамасынан жарысқа 14 дзюдошы қатысып жатыр.