Қазақстанға суперауыр салмақта әлем чемпионы атағы бұйырмады
17.03.2025, 01:29
Қазақстандық боксшы Елдана Тәліпова Сербияның Ниш қаласында өткен әйелдер арасындағы әлем чемпионатының финалында өнер көрсетті.
Instagram/@qaz_team_official
Суперауыр салмақтағы (81+ кг) шешуші кездесуде Тәліпова Қытайдың Илян Чжанымен қолғап түйістірді. Тартысты өткен жекпе-жекте төрешілердің шешімімен 1:4 есебімен қазақстандық спортшы қарсыласына жол берді.
Осылайша, Илян Чжан әлем чемпионы атанса, Елдана Тәліпова әлемдік додада күміс медаль иеленді. Айта кетейік, Тәліпова қазіргі Азия чемпионы және биылғы әлем чемпионатында тамаша нәтиже көрсетті.
Чемпионаттағы жарқын жеңістер
Әлемдік додаға жол тартқан қазақстандық боксшы финалға дейін үш қарсыласын сенімді жеңді. Ол:
- Өзбекстандық Олтина Сотимбоева
- Сербиялық Сара Милькович,
- Молдовалық Дарья Сазонова сынды мықты спортшыларды жарыс жолынан шығарды.