Назым Қызайбай саясатқа бет бұрды
Қазақстандық әйгілі боксшы, 2025 жылы Сербияның Ниш қаласында өткен әйелдер арасындағы әлем чемпионатының жеңімпазы Назым Қызайбай саясат тақырыбына бет бұра бастағандай.
Ол өзінің Instagram парақшасында АҚШ-тың XIX ғасырдағы танымал саясаткері әрі ағартушысы Букер Талиаферо Вашингтонның нақыл сөзін жариялап, оқырмандарымен ой бөлісті:
"Меніңше, әр адамның өмірі үнемі күтпеген, тың серпіндерге толы болуы тиіс. Бұл оны күн сайын бар күшін салып өмір сүруге жетелейді", — деп жазды Қызайбай.
Бұл жазбаны оқырмандар саясатқа алғашқы қадамның белгісі ретінде қабылдады. Себебі спортшының сөздерінен азаматтық белсенділік пен жаңа бағытқа деген қызығушылық байқалады.
Назым Қызайбай – Қазақстан боксы тарихында тұңғыш рет үш дүркін әлем чемпионы атанған әйел спортшы.
Назымның бұл жазбасы оның тек спорт әлемімен шектеліп қалмай, қоғамдық ойларға да үн қосуға дайын екенін аңғартады.