Қамшыбек Қоңқабаев Астанада Баходир Джалоловқа тосын сый жасады (ВИДЕО)
Олимпиада ойындарының қола жүлдегері, әлем чемпионатының екі дүркін күміс жүлдегері Қамшыбек Қоңқпбаев пен екі дүркін Олимпиада чемпионы Баходир Джалолов Астанада жолығып, барша жанкүйерге жылы әсер қалдырды.
Қоңқабаев өзінің өзбекстандық қарсыласына қазақтың дәстүрлі шапанын тарту етті. Бұл қадам спорттағы бәсекелестікке қарамастан адамгершілік пен достықты жоғары қоя білетінін көрсетті.
"Біз спортта — қарсыласпыз, бірақ өмірде — доспыз", — деп мәлімдеді Қамшыбек әлеуметтік желідегі бейнежазбада.
Сонымен қатар ол Джалоловқа кәсіпқой бокста чемпиондық белбеулерді жеңіп алуына сәттілік тіледі.
Айта кетейік, Баходир Джалолов Астанада өткен бокс кешінде украиналық Игорь Шевадзуцкиймен кездесті. Көпшілік бұл жекпе-жек ерте аяқталады деп күтті, алайда кездесу толық раундтарға созылды. Қорытындысында Джалолов төрешілердің бірауыздан шығарған шешімімен жеңіске жетті.