Руслан Курбанов шпагамен семсерлесуде Колумбия астанасы Боготадағы Гран-при турнирінде ел қоржынына медаль салды.
Турнирдің жартылай финалында Курбанов өзбекстандық Вадим Анохинмен тартысты кездесу өткізді. Тең дәрежеде өткен жекпе-жек 15:14 есебімен қазақстандық спортшының пайдасына аяқталды. Бұл жеңіс оған финалға жолдама сыйлады.
Бірақ ақтық сында Курбанов Жапония өкілі Акира Коматеден 10:15 есебімен жеңіліп, күміс медальге қол созды. Бұл нәтиже – халықаралық деңгейдегі беделді турнирде үлкен жетістік болып саналады.
Турнир қорытындысы бойынша, үшінші орын екі спортшыға бұйырды – өзбекстандық Вадим Анохин мен Франция өкілі Луиджи Мидельтон.
