Ресейдің Иркутск облысында ұйымдастырылған заңсыз жарыс қайғылы оқиғаға ұласты. Бір жүргізуші көлікті басқара алмай, 17 жастағы бойжеткен оқиға орнында жан тапсырды.
Алдын ала мәлімет бойынша, жарыс Иркутск маңындағы Одинск ауылы маңында Ангарск қаласының тұрғындары ұйымдастырған. Кезекті дрифт кезінде бір көлік бақылаудан шығып, көрермендер тұрған аймаққа кіріп кеткен.
Оқиға орнында 17 жастағы қыз көз жұмды. Тағы екі адам түрлі жарақат алып, ауруханаға жеткізілді. Жарақат алғандардың жағдайы әзірге нақты белгісіз.
Құқық қорғау органдары жол-көлік оқиғасына байланысты қылмыстық іс қозғады. Жарақат алғандар қазіргі таңда емдеу мекемесінде жатыр. Тергеу амалдары жалғасуда.
