Қазақстандық теннисші Александр Бублик Испанияның Мадрид қаласында өтіп жатқан топырақтағы беделді "Мастерс" турнирінің үшінші айналымында әлемнің сегізінші ракеткасы Андрей Рублёвті сенсациялық түрде жеңді.
Бублик пен Рублёв арасындағы кездесу 1 сағат 22 минутқа созылды. Ойын барысында ресейлік теннисші 12 эйс жасап, екі қос қателік жіберді және бес мүмкіндіктің үшеуінде брейк-пойнтты жүзеге асырды. Өз кезегінде Александр Бублик 10 эйс орындап, алты қос қателікке жол берді және алты брейк мүмкіндігінің екеуін сәтті пайдаланды.
Шешуші партияда Бублик қарсыласын 6:4 есебімен жеңіп, келесі айналымға жолдама алды. Бұған дейінгі екінші сетте ол 0:6 есебімен ұтылған болатын. Бірақ кездесудің жалпы нәтижесінде жеңіс Қазақстан спортшысының еншісіне жазылды.
Келесі айналымда Александр Бублик америкалық Бен Шелтон мен чехиялық Якуб Меншик арасындағы матчтың жеңімпазымен кездеседі.
Мадридтегі “Мастерс” турнирі 4 мамырға дейін созылады. Андрей Рублёв осы жарыстың былтырғы чемпионы саналады.
