UFC төрт файтермен қош айтысты

Кубеев Алихан

Редактор Penalty.kz

Бүгін, 13:49

UFC лигасындағы кезекті "тазалау" науқаны барысында төрт бірдей аралас жекпе-жек шебері ұйыммен қош айтысты.

agfight.com

UFC-ден кеткен спортшылар:

Лукас Александер (Бразилия, жеңіл салмақ) – 8 жеңіс, 5 жеңіліс
Каолан Лоуран (Ирландия, жеңіл салмақ) – 10 жеңіс, 2 жеңіліс
Педро Фалькао (Бразилия, жеңіл салмақ) – 16 жеңіс, 5 жеңіліс
Кортавиус Ромиус (АҚШ, жартылай жеңіл салмақ) – 9 жеңіс, 4 жеңіліс

Лукас Александер, 29 жаста

Бразилиялық файтер UFC-де 4 кездесу өткізіп, тек біреуінде жеңіске жетті. Қалған үш жекпе-жекте уақытынан бұрын жеңілді. Бұл нәтиже оның промоушендегі орнын сақтап қалуға жеткіліксіз болды.

Каолан Лоуран, 28 жаста

Ирландиялық спортшы UFC-дегі 4 жекпе-жекте 2 жеңіс, 2 жеңіліспен шектелді. Барлық кездесуі толық раундқа созылған. Бұған дейін Cage Warriors ұйымында қатарынан төрт рет қарсыласын мерзімінен бұрын тізе бүктіріп, UFC назарын аударған еді.

Педро Фалькао мен Кортавиус Ромиус

32 жастағы бразилиялық Фалькао мен 31 жастағы америкалық Ромиус UFC аясында екі жекпе-жектен өткізген. Екеуі де екі рет жеңіліп, ұйым басшылығы оларға сенім артпауға шешім қабылдаған.