Тото Вольфф: «50% ықтималдықпен біз Макспен бір командада боламыз»
2026 жылы Макс Ферстаппен Red Bull Racing сапында өнерін жалғастыратыны ресми белгілі. Дегенмен, Mercedes жетекшісі Тото Вольфф голландиялық пилотты өз командасына тартуға деген үмітін жоғалтпай отыр.
Вольфф пен Ферстаппен арасындағы байланыс
Тото Вольффтың айтуынша, олардың қарым-қатынасы жақсы жолға қойылған:
«Біз Макспен өте жақсы тіл табысамыз. Әңгімелесу оңай, көзқарастарымыз ұқсас. Бәлкім, тағдыр бізді ешқашан бір командада тоғыстырмайтын шығар, бірақ мен бұл мүмкіндікті 50%-ға бағалаймын. Ал қалған 50% бізді бір күні бір командада көруге мүмкіндік береді», – деді Mercedes жетекшісі.
Машина сапасы мен шешуші факторлар
Журналистердің сұрағына жауап берген Вольфф, егер келесі маусымда Mercedes-тің болиді мықтырақ болса, Максты өз жағына тарту жеңілдей ме дегенге де пікір білдірді:
«Мен шын мәнінде бізде ең үздік машина болады деп үміттенемін. Сол жағдайда Макс Ферстаппеннің менеджері Раймонд Вермюленге бар болғаны 10% ғана төлеуім керек болады – біз солай келіскенбіз», – деп әзіл қосты ол.
Ақша емес, жеңіс басты мақсат
Вольффтың айтуынша, үздік пилоттар үшін басты мақсат – чемпиондыққа жеткізетін команда мен техника:
«Менің ойымша, әрқашанда: нағыз чемпион үшін ақша басты нәрсе емес. Ең маңыздысы – жеңіс, жеңіске апаратын көлік пен орта. Қалған қаржы мәселелері кейінгі орында», – деді Тото.
Қазіргі таңда Макс Ферстаппен Red Bull-мен ұзақ мерзімді келісімде болса да, Mercedes жетекшісі алдағы жылдары жағдай өзгеруі мүмкін деп сенеді. Формула-1 тарихында командалар мен пилоттардың жолы жиі қиылысып жатады. Сондықтан Вольфф пен Ферстаппен арасындағы ынтымақтастық болашақта шындыққа айналуы ғажап емес.