XXV жазғы Сурдлимпиада ойындарында Қазақстан құрамасы жалпы есебінде 8 алтын, 4 күміс және 13 қола, яғни 25 медаль жеңіп алып, табысты нәтиже көрсетті.
Қазақстандық спортшылардың ең жарқын жетістіктері сурдо дзюдо жарыстарында тіркелді.
Бұл спорт түрінен біздің құрама:
Осы нәтижемен қазақстандық дзюдошылар командалық есепте бірінші орынға шығып, Сурдлимпиаданың басты фавориттерінің біріне айналды.
Күрес түрлерінде де Қазақстан туы биікте желбіреді.
Еркін күрес бойынша:
Грек-рим күресінде ұлттық құрама толық жинақ жасап алтын, күміс, қола медальдің әрқайсысын бір-бірден жеңіп алды.
Осылайша қазақстандық балуандар Сурдлимпиададағы өз салмақтарында бәсекелестік өте жоғары болғанына қарамастан, тұрақты нәтиже көрсетті.
Жеңіл атлетикада да Қазақстан спортшылары жүлдесіз қалған жоқ.
Ұлттық команда бұл спорт түрінде 1 алтын және 1 қола медаль жеңіп алды.
Әсіресе, Фаина Мейірманованың нәтижесі ерекше атап өтуге тұрарлық. Ол биіктікке секіруден 1,79 метр көрсеткішке қол жеткізіп, Сурдлимпиада ойындарының чемпионы атанды. Жарыстың жаңа рекордын орнатты.
Бұл нәтиже Токио төріндегі жарыстың айшықты сәттерінің біріне айналды.
Таеквондо бәсекелерінде Қазақстан спортшылары тағы үш рет жеңіс тұғырына көтерілді – 3 қола медаль.
Сонымен қатар ерлер құрамасы үстел теннисінен командалық есепте жақсы ойын өрнегін көрсетіп, қола жүлдегер атанды.
Бұл жүлделер Қазақстан құрамасының жалпы медаль қорын толықтырып, команданың көпсалалы дайындығын айқын көрсетті.
XXV жазғы Сурдлимпиада ойындары Жапония астанасы Токиода өтті.
Бұл – есту қабілеті бұзылған спортшыларға арналған ең ірі халықаралық көпкүнді жарыс, төрт жылда бір рет ұйымдастырылады.
Биылғы ойындарға 81 елден шамамен 3000 спортшы қатысты.
Жарыс бағдарламасына 21 спорт түрі бойынша 209 медаль жиынтығы енгізілді.
Қазақстан намысын 8 спорт түрінде өнер көрсеткен 78 спортшы қорғады.