Наурыздың несібесі ме? Жаңа көліктер арзанға сатылып жатыр

Жыл басынан бері Қазақстанда жаңа көлік бағасы 3–4%-ға қымбаттады. Бірақ наурызда дилерлер ауқымды акциялар жариялап, тұтынушыларға ірі жеңілдіктер ұсынды. 

Нарыққа серпін берген — Hyundai

Көктемгі акциялардың негізгі драйвері — кореялық брендтер.

Hyundai бірқатар танымал модельге айтарлықтай жеңілдік жариялады:

• Elantra — шамамен 10 млн теңге (1,5–2 млн үнем);
• Sonata — жеңілдік 2–3 млн теңгеге дейін жетеді;
• Tucson — кей нұсқаларда 3 млн теңгеге арзандады;
• Santa Fe — 2,5–3 млн теңге жеңілдік. 

Мысалы, Tucson Prime бұған дейін 18–19 млн теңгеге бағаланса, қазір 15–16 млн теңгеден саудаланып жатыр. Ал 21 млн теңгеден сатылған Santa Fe-ні қазір шамамен 18 млн теңгеге иемденуге болады. 

Kia да үлкен жеңілдік жасады

Kia бренді де көктемгі науқанды белсенді жүргізуде:

• Cerato — шамамен 10 млн;
• Seltos — 11 млн теңгеден басталады;
• Sportage — 4–4,5 млн теңгеге дейін арзандады;
• K5, Sorento — 4 млн теңгеге дейін жеңілдік;
• K8 — 4–5 млн теңге жеңілдік.

Мұндай шараның басты мақсаты — 2025 жылғы көліктерді тезірек сату.

Қытай брендтері: басқа стратегия

Қытайлық автоөндірушілер арасында Changan көбіне жеңілдік емес, төмен пайызды несие (0,1%) арқылы клиент тартуда.

Ал Geely нақты бағаны төмендетуге барған:

• Galaxy Preface — 9,9 млн (бұрын - 11,8 млн) 
• Cityray — 8,9 млн (бұрын - 10,9 млн)
• EX5 (электрмобиль) — 11,9 млн (бұрын - 14,4 млн)

Бұл акциялар 31 наурызға дейін жалғасады.

Премиум сегмент өзгеріссіз қалды. Toyota, Lexus, Mercedes-Benz және BMW сияқты брендтерде айтарлықтай жеңілдіктер жоқ.