Қазақстан Президентінде Aurus көлігі пайда болған ба?

Aurus Senat Қазақстан президентінің шетелдегі ресми автокөлігі ретінде алғаш рет өткен аптада Қазан қаласындағы БРИКС саммитінде көзге түсті. Motor.ru басылымы осыған баса назар аударған.

Қазақстан Президентінің ұзартылған Senat көлігі 839 WX 01 мемлекеттік нөмірімен шыққан. Бірақ арнайы байланыс антенналары мен алдыңғы нөмірдегі стробоскоптар болмапты. Сонымен қатар, аталған автокөлік соңғы үлгідегі дөңгелек дискілермен жабдықталған, бұл оның жақында ғана жеткізілгенін көрсетеді, дейді Motor.ru.

Басылымның ақпарат көздеріне сәйкес, Қазанға Aurus-пен бірге Тоқаевтың Mercedes-Maybach S-класындағы тағы бір брондалған көлігі де жеткізілген, бірақ бұл жолы неміс көлігі резервте қалған.