"Қыз жүргізген". Енді көлікке иелік ету тарихын eGov-тан білуге болады
Жаңа қызмет смартфонда қолжетімді.
«Бір иесі бар. Қыз жүргізген» деген хабарландыруды жиі кездестіруге болады. Енді сатушылардың сөзі қаншалықты шын немесе өтірік екенін смартфондағы eGov арқылы тексеруге болады.
Бірақ көліктің өмірбаянын тексеру үшін мемлекеттік нөмір ғана емес, техникалық паспорттың да нөмірі қажет.
Сервисті пайдалану үшін келесі қадамды орындау керек:
eGov Mobile қосымшасына кіріңіз;
«Қызметтер» бөлімінен «Жүргізу және көлік» қызметіне өтіңіз;
«Автокөлікті иелену тарихы» дегенді таңдаңыз;
автомобильдің мемлекеттік нөмірін және техникалық паспорттағы нөмірін жазыңыз;
«Іздеу» батырмасын басып, көлік құралына иелік ету тарихы туралы мәлімет алыңыз.
Көліктің иесі үй мен кеңсе арасында жүргізгені, нақты қанша шақырым жүргені және машина қандай жол апатына түскені туралы ақпарат ала алмайсыз. Бірақ сізге дейін қанша иесі болғанын білуге болады.