Астана – Щучье бағытында 90 көлік соқтығысты (ВИДЕО)
03.01.2025, 18:40
Екі адам ауруханада.
tengrinews.kz
Ақмола облысындағы тасжолда күн райының қолайсыздығы салдарынан бір мезетте 90 көлік соқтығысқан. Бұл туралы 24KZ хабарлады.
Жаппай көлік апаты Астана – Зеренді трассасы бойындағы Жаңаталап ауылы маңында болған. Оқиға орнына оннан аса арнайы техника тартылып, құтқарушылар жұмыс істеп жатыр. Жүргізушілер мен жолаушыларға көмек көрсетілуде.
Зардап шеккен екі адам емдеу мекемесіне жеткізілген. Жолда қозғалысқа шектеу енгізілді. Тәртіп сақшылары азаматтарды алыс жолға шыққанда мейлінше сақ болуға шақырып жатыр.