Жанармайдың қанша теңгеге қымбаттайтыны белгілі болды
Энергетика министрінің айтуынша, елімізде жанар-жағармай бағасының өсуін болдырмау мүмкін емес.
Елімізде жанармай бағасы бастапқыда тек 5 теңгеге қымбаттауы мүмкін. Энергетика министрі Алмасадам Сәтқалиев осылай деді. Сонымен қатар, ол жанар-жағармай бағасына қатысты мемлекеттік реттеу алынып тасталғанын жеткізді.
"Біздің болжам бойынша, алғашқы өсім 5 теңгеден аспайды. Біз нарық қатысушыларын осы көрсеткішке бағыттаймыз. Әрі қарай бағаның тым күрт өсіп жатқанын көрсек, әрбір жағдайға шұғыл түрде әрекет ететін боламыз", - деді энергетика министрі Алмасадам Сәтқалиев.
Энергетика министрі мұнай өңдеу және мұнай өндіру салаларына инвестиция тарту қажеттілігін ескере отырып, елімізде жанар-жағармай бағасының өсуін болдырмау мүмкін емес екенін атап өтті. Сондай-ақ Қазақстан бюджетін толықтыру да мақсаттардың бірі екенін алға тартты.