"90-жылдардың стилінде": Мәдина Сәдуақасова тыңдармандарын ностальгияға бөледі (ВИДЕО)
Қазақ эстрадасының жұлдызы жаңа образымен жүректерді жаулады.
Танымал әнші Мәдина Сәдуақасова әлеуметтік желіде жаңа бейнежазбасын жариялап, жанкүйерлерін 90-жылдарға жетелегендей әсер қалдырды. Көпшілік әншінің жаңа образын жылы қабылдап, балалық шақ пен жастық кезеңін еске алды.
Видеода Мәдина жаңа әнін орындап тұр. Оның үстінде көк түсті спорттық костюм мен ақ моншақ бар. Бұл стиль бірден жанкүйерлердің назарын аударды. Көпшілік оны "дискотека стилі", "нағыз 90-жылдар", "ностальгияға толы образ" деп сипаттап, пікір қалдырды.
Жарияланымда әнші махаббатқа толы лирикалық жолдарды ұсынған. Әннің сөзін де, әуенін де Рахымжан Рамазан жазған. Тыңдармандар оның дауысына ерекше баға беріп, жаңа туындының хитке айналарына сенім білдірді.
"Керемет костюм", "Нағыз 90-дар стилі", "Дауыс өте әсерлі", "Мәдина кез келген әнді хитке айналдырады", "Киім мен ән бір-бірін толықтырып тұр", "Бұл стиль сізге керемет жарасады", — деп жазды желідегі қолданушылар.