Баян Алагөзованың кіші қыздары туралы видео Қазнет қолданушыларын елжіретті (ВИДЕО)
Қазақстандық танымал продюсер әрі актриса Баян Алагөзова Instagram парақшасында күйеуі және кіші қыздары – Алиса мен Алмамен бірге түскен әсерлі видеосын жариялады.
Жарияланған бейнекадрларда кішкентай Алма мен Алиса еденде еңбектеп, аналарына қарай асыға жетуге тырысып жатыр. Әкесі де оларды өзіне шақырады. Бірақ қос бүлдіршін де тек анасын құшағына алғысы келеді. Бұл көрініс желі қолданушылары мен ата-аналардың жүрегін елжіретіп, әлеуметтік желіде жылы пікірлерге толы пікірталас тудырды.
"Екеуі де – анаға", – деп жазды Баян Алагөзова видеоны сипаттап.
Желі қолданушылары видеоға төмендегідей пікірлер қалдырған:
- "Сүйкімділер!"
- "Алмусенаны әкесі алып кетті, жаным-ай"
- "Балапандар, қандай керемет көрініс!"
- "Өте әсерлі"
- "Әрине, ана – бәрінен қымбат"
- "Бұлар нағыз қуаныш"
- "Міне, шынайы бақыт"
- "Мұндай сәтке мәңгі қарай бергің келеді"
Айта кетейік, былтыр тамыз айында Баян Алагөзова үшінші рет ана атанған. Ал небәрі 15 күннен соң төртінші қызы дүниеге келгенін хабарлады. Кейінірек продюсер ашық айтып, Алиса мен Алма суррогат ана көмегімен өмірге келгенін мәлімдеген.