"Өзіңді осылай жақсы көру керек": аяғы ауыр Ерке Есмахан жаңа суреттерін жариялады (ФОТО)
Қазақстандық танымал әнші Ерке Есмахан әлеуметтік желіде жаңа фотоларын жариялап, жеке өмірі мен ішкі күйі жайлы әсерлі жазба қалдырды. Қазір үшінші сәбиін күтіп жүрген 40 жастағы өнер иесінің бұл жазбасы көпшіліктің жүрегінен орын тапты.
Сән мен өзіндік стиль: Ерке жаңаша кейіпте
Жаңа кадрларда Ерке сұр түсті, пижама стиліндегі ансамбльмен көзге түседі. Образын қара қол сөмке мен күннен қорғайтын көзілдірік толықтырып тұр. Ерке өзін жайлы, сенімді әрі нәзік кейіпте көрсетіп, аналық мейірім мен әйелдік сұлулықты ұштастыра білген.
Шынайы мойындау: "Иә, мен мақтанамын..."
Жазбасында Ерке өзінің болмысын жасырмай, былай деп ағынан жарылды:
"Иә, сіздер мені мақтаншақ дейсіздер. Ондай бар, мойындаймын. Менің өмірім, шығармашылығым, әдеттерім, киімдерім – бәрі мақтануға тұрарлық болар. Бірақ мен үшін бұл – жай ғана өз өмірім. Өзім де кейде таңғаламын. Барлығы үшін Аллаға шүкір. Ол мені осының бәріне лайық деп тапты..."
Баталы тілек: бәріне жеткілікті болсын!
"Сіздердің де өмірлеріңіз мақтануға тұрарлық болсын! Алла бәріңізге де молшылық берсін!" – деп аяқтады әнші жүрекжарды жазбасын.
Еркенің жазбасына жанкүйерлері жылы лебіздерін жаудырды:
- "Міне, өзіңді дәл осылай жақсы көру керек!"
- "Бүкіл отбасымызбен сізді жақсы көреміз, сіз сияқты болғымыз келеді – жеңіл ойлы, жайдарлы мінезді."
- "Сіздің арқаңызда көптеген қыз-келіншектер өзін бағалауды үйренді."