Ерке Есмахан жүрек тербеген суреттерімен желіні елжіретті (ВИДЕО)
Қазақ эстрадасының жарық жұлдызы Ерке Есмахан Instagram парақшасында ерекше әсерлі жазба жариялап, оқырмандарының жүрегін елжіретті. Әнші болашақ ананың болмысын бейнелейтін нәзік суреттерін бөлісіп, ішіндегі сәбиін аялап тұрған сәттерін көрсетті.
"Армандаған жерімде тұрмын" — Ерке Есмахан
Ерке жазбасында жүрек түкпіріндегі шынайы сезімін ақтарып, Жаратқанға өміріндегі ең басты армандарының орындалғаны үшін алғысын білдірді. Оның айтуынша, дәл қазір өмірінің ең бақытты кезеңін бастан кешуде — отбасында тыныштық, шығармашылығында өрлеу, ал жақындарының сүйіспеншілігі мен тыңдармандардың қолдауы рухтандырады.
"Қазір мен бір кездері армандаған жерде тұрмын", — деп жазды әнші.
Бақытқа бастар жол: шынайылық, сабыр мен еңбек
Жазбада Ерке бұл қуаныш пен ішкі үйлесімділікке жету оңай болмағанын атап өтті. Ол бәріне шынайы ниет, сабырлылық және табанды еңбектің арқасында қол жеткізгенін жеткізді.
"Сәбіміздің алғашқы “уа-уа” деп жылайтын сәтіне де аз қалды-ау, шамасы", — деп жымия жазды ол.
Халықтан — ізгі тілектер легі
Жазба желіде кеңінен таралып, жылы лебіздер мен құттықтауларға толы пікірлерге себеп болды. Оқырмандар Еркені өмірінің жаңа кезеңімен құттықтап, денсаулық, амандық және шаттық тілектерін жаудырды. Көпшілік сүйікті әншісінен қуанышты жаңалықты асыға күтіп отыр.