Төреғали Төреәлінің ұлдары биімен жұрттың көңілін көтерді (ВИДЕО)
Қазақстандық белгілі әнші Төреғали Төреәлінің ұлдары көшеде билеп, көпшіліктің назарын өзіне аударды. Бұл бейнежазба әлеуметтік желілерде таралып, қазақстандық қолданушылардың ыстық ықыласына бөленді.
Атасының ақжарма тілегі
Өнер иесінің әкесі Төреәлі Төлепов немерелерінің өнеріне тәнті болып, Instagram парақшасына әсерлі жазба жариялады:
“Ассалаумағалейкум, ағайын! ТөреМұхаммедӘли немеремнің дені сау, жүрегі кең азамат болсын. Тәңірім ғұмырын ұзақ етіп, күллі әлемді тамсандыратын ұрпақ болуға жазсын. Осы ұрпақтан шөбере сүйіп, қызығына тоймай өтуді нәсіп етсін. Жақсы ниет – жарым ырыс. Сіздер де ізгі тілектеріңізді жазып қойыңыздар”, – деп ағынан жарылды атасы.
Желі қолданушыларының ықыласы
Бейнежазбаға пікір қалдырған желі қолданушылары кішкентай бүлдіршіндерге ақжарма тілектерін жаудырып, жылы сөздерін аямады:
- “Алла тағала арманыңнан да үлкен етіп жеткізсін!”
- “Ұлдарыңыз өмірі ұзақ, ата-анасының мақтанышы болсын”
- “Бірі әкесіне тартқан, бірі анасына аумай қалыпты”
- “Ел намысын қорғайтын балуан болады!”