Ninety One тобының мүшесі болашақ жарын көрсетті (ВИДЕО)
Әсет Ашмақын (ACE) жеке өміріне қатысты маңызды жаңалықты жариялады. Танымал Ninety One тобының мүшесі әлеуметтік желі арқылы болашақ жары Нұриләні көпшілікке алғаш рет көрсетті.
“Өмірімді өзгерткен күн”: Әнші шынайы сезімімен бөлісті
Желіде жарияланған бейнежазбада ACE болашақ жары Нұриләмен бірге көрініп, оған деген сезімін жүрекжарды жазбамен жеткізді:
“Оны алғаш көрген сәт есімде. Сол күннен бастап өмірім түбегейлі өзгерді. Ол менің өміріме тыныштық пен жарық сыйлады. Баршаңыз да осындай шынайы сезімді бастан өткеріңіздер. Махаббат пен мейірімге толы өмір кешіңіздер. Бақыт іздеп жүрсем, енді сол бақыт менің есігімді қаққан секілді. Танысып қойыңыздар – бұл Нұрилә”, – деп жазды әнші.
Жанкүйерлерден жүрекжарды тілектер
Желі қолданушылары мен жанкүйерлер жұпқа жылы лебіздерін білдіріп, пікірлерде махаббат пен шынайылыққа толы қатынастары мәңгілік болсын деген тілектерін жазып жатыр. Желіде жарияланған бейнежазба аз уақыт ішінде жүздеген мың қаралым мен пікір жинаған.