Мөлдір Мұқанова жарнама арқылы тағы да желі талқысына түсті (ВИДЕО)
Атақты әзілкеш Тұрсынбек Қабатовтың жары, танымал вайнер әрі әнші Мөлдір Мұқанова әлеуметтік желідегі жазбасымен тағы да көпшіліктің назарына ілікті. Бұл жолы 2,2 миллионға жуық жазылушысы бар Instagram парақшасына жариялаған жарнама ролигі сынның астында қалды.
Дау тудырған видео
Мөлдір Мұқанованың жарнамалық бейнежазбасы кей оқырманның көңілінен шықпай, желіде түрлі сын пікірлерге себеп болды. Қолданушылардың кейбірі оның дауысын және мінез-құлқын күлкіге айналдырды:
- "Радиода ертегі оқитын апайлардың дауысы сияқты",
- "Бұрыннан осындай ма едің, әлде қазір өзгеріп бара жатсың ба?",
- "Сенің қасыңда тоқтатар адам жоқ па?",
- "Артыңнан өзің ұялатын әрекеттер жасап жүрсің", – деп пікір қалдырған қолданушылар.
Жанкүйерлер не дейді?
Алайда жағымды пікір білдіргендер де жетерлік. Олар Мөлдірдің өзіндік стилін, батылдығын және тың шешімдерін атап өтті:
- "Реклама күшті шыққан",
- "Жарайсыз! Ешкімге құлақ аспаңыз",
- "Өзіңізге жарасып тұр", – деп қолдау білдірген желі қолданушылары да аз емес.
Мөлдірдің жаңа образы
Айта кетейік, жуырда Мөлдір Мұқанова" Арамызда қалсын бәрі" атты әнін жариялап, тыңдармандарын шығармашылықтың жаңа бағытымен таңғалдырған болатын. Бұл туынды да әлеуметтік желіде қызу талқылауға себеп болды.