“Бұрын мұндай көлікке мінген емеспін” — Сәбина Алтынбекова жаңа сыйлығын таныстырды
«Ыңғайлы және заманауи»: Сәбина Алтынбекова қымбат сыйлығын көрсетті.
Қазақстанның ең сұлу волейболшысы Сәбина Алтынбекова өз көлігін көрсетті. Спортшы бұл сыйлық екенін мойындады. Қара түсті көліктің суретін Сәбина Instagram парақшасының сторисінде жариялаған. Алайда маркасын нақтыламаған. Бірақ суретке қарағанда қытайлық Deepal S09 маркалы автокөлік иегері атанған сияқты. Мұндай көліктердің бағасы 20,5 миллион теңгеден басталады.
«Туған күніме әлі бір ай бар, ал мен екі апта бұрын алғашқы сыйлығымды алдым. Бұған дейін мінгендерімнің ішінде ең ыңғайлы әрі ең озық көлік шығар. Рахмет», – деп жазды Алтынбекова.
Бұған дейін аралас жекпе-жек өкілі Қуат Хамитов Сәбина Алтынбековаға ұсыныс жасаған. Бірақ бұл жеке өмірге емес, жұмысқа қатысты. Ол келер жылы өзінің алғашқы фильмін түсіруді жоспарлап отыр. Ал жанкүйерлер оған волейболшыға назар аударуды ұсынған еді. Хамитов бұл идеяға жауап берді. Дегенмен Алтынбекова әзірге бұл жайлы ешқандай пікір білдірмеді.