Әзілкеш Тұрсынбек Қабатовтың бұрынғы жары Мөлдір Мұқанова балаларымен бірге жариялаған бейнежазбасымен көпшілікті тебірентті.
Instagram парақшасында жарияланған бейнеде Мөлдір Мұқанова мен оның балалары шеңберге отырып, қол ұстасқан күйі бір-біріне жылы сөздер айтып, көз жасына ерік береді. Видео соңында олар құшақтасып, бір-бірін жұбатады.
«Қазір бізге бір-біріміз ауадай қажет. Бір-бірімізді жылы сөзбен, сүйіспеншілікпен емдеп жатырмыз. Балаларым есейіп, менімен бірге өмірге даналықпен қарай бастады. Енді менің жаным ауырмайды деп ойлаймын», — деп жазды Мөлдір.
Желі қолданушылары бұл бейнежазбадан кейін Мөлдір мен оның балаларына қолдау білдірді:
Мөлдір Мұқанова жуырда Тұрсынбек Қабатовпен ажырасқаны туралы ашық айтып, өмірінің жаңа парағын бастағанын мәлімдеген. Бүгінде ол балаларымен бірге өміріндегі қиын кезеңді еңсеріп, рухани сауығу жолында.